VOV4.M’nông: Tahen Australia, Mỹ n'hanh ăp dak tâm boh dôl râng rơh nti tâm lơh nsum tahen dak lêng neh kơh kalơ trôk dŭt têh đah nău tât râng bah rmưn rbăn tahen tât bah ăp dak. Tĭng nău mbơh bah Bộ Quốc phòng Australia, rơh nti tâm lơh Talisman Sabre 2021 (TS21) mbra ƀư ta du nkual neh têh hvi ta mpeh miền Trung n'hanh Đông Bắc bah bang Queensland n'hanh ăp nkual nklang dak lêng mpeh luh nar Australia, đah nău tât râng bah rlău 17.000 tahen Australia n'hanh Mỹ. Tâm nê êng mpeh Australia mbra rgop rlău 8.000 tahen n'hanh 40 bôk ndeh păr tâm lơh ăp ntil. Râng rơh nti tâm lơh Talisman Sabre 2021 mbra geh ăp mpôl tahen tât bah Anh, Canada, Hàn Quốc, Nhật Bản n'hanh New Zealand.

          Nuĭh rblang: Điểu Thân