VOV4.Mnông – Tâm rnôk rơh khâl New Zealand, ôi 31/5, Thủ tướng Australia Scott Morrison lĕ geh rơh rgum nchră đah thủ tướng New Zealand Jacinda Ardern. Thủ tướng Australia Scott Morrison n’hanh Thủ tướng New Zealand Jacinda Ardern mĭn lah nău khlay bah tâm boh ăp ding, lơn lah lvang 2 dak kơt lam ntŭr neh dôl rdâng đah srê Covid-19. Nău mbơh nsum dơi 2 hê kruanh n’gluh an jêh rơh rgum nchră an gĭt, 2 dak mbra kan ndrel tâm nău rwăt n’hanh ƀư chuh vaccine an ăp dak tâm nkual tă bah nău mĭn ƀư mhe vaccine lam ntŭr neh COVAX. 2 dak mĭn lah nău dŏng tay âk trong ƀư êng êng gay đăp mpăn n’hanh pă an vaccine tă bah nău ntop kơl, tă bah COVAX mô lah ăp ngih pah kan âk ding kơt UNICEF an tĭng ngih dak. Mô knŭng pă an vaccine, Australia n’hanh New Zealand hôm ntop kơl lĕ rngôch geh ndoh ndơ dak si, ƀư trong nchrăp, ntĭm nti, nkoch mbơh nău n’hanh mât prăp vaccine đăp mpăn.

Nuĭh rblang: Y Sưng Phê Ja