VOV4.M'nông: Thủ tướng Nhật Bản Suga Yoshihide nchrăp mbra hăn khâl Australia tâm kêng dŭt năm aơ n'hanh nkô̆ hăn khâl dôl dơi bar ding tâm nchră lor bôk năp. Lha Thời báo tài chính Australia nar ntri (4/6) nkoch nău lư an gĭt pah kan nchrăp an hăn khâl bah Thủ tướng Nhật Bản SugaYoshihide tâm kêng dŭt năm aơ dơi bar chính phủ tâm nchră. Pơh bah kơi tay, tâm rnôk hăn khâl Anh gay râng Tâm nchră gưl têh bah ăp kruanh rđău kan 7 dak công nghiệp dâk bôk năp lam ntŭr neh G7 đah ăp dak tâm boh, Thủ tướng Australia geh trong nchrăp mbra rgum nchră pơk sŏng dăng đah Thủ tướng Nhật Bản. Australia n'hanh Nhật Bản aƀaơ geh tâm boh jŏ jong mha êng n'hanh lĕ bar ding dôl ntrŭt ntrôl ăp nău kan tâm boh bar ding n'hanh âk ding da dê gay mât đăp mpăn ta nkual Ấn Độ Dương-Thái Bình Dương dah rŏng, pơk hvi n'hanh têh ndrŏng./.

Nuĭh rblang: Điểu Thân