VOV4.M'nông: Lah ta Hội đồng Bảo an, Nuĭh ntơh măt bah Azerbaijan ta Liên Hợp Quốc Yasar Aliyev an gĭt, dak dja mĭn lah geh trong nkra rgâl an nău plơ̆ tay kơt ơm tâm boh đah Armenia; lah rjăp mbra râng ký ton bah tâm lơh tâm su đah dak kâng n'har dja. Nuĭh kan tâm boh dak bah dih Azerbaijan lah rjăp, nău plơ̆ tay kơt ơm tâm boh ân nsing tâm nău dơn nsum, uănh khlay ƀư tơm n'hanh lam lĕ rngôch neh dak đah ăp trong n'har bri dơi lam ntŭr neh kơp dơn. Nău mbơh dja dơi ndơ̆ luh lôch du nar geh tâm lơh đah 2 dak ta n'gor n'har bri Syunik bah Armenia. Gay bah ir duh jêr, Tổng thống Nga Putin hŏ geh rơh kuăl điện tâm nchră đah Thủ tướng Armenia Nikol Pashinyan. Aƀaơ duh jêr n'har bri đah bar dak hŏ l'ơh nđik oi./.

Nuĭh rblang: Điểu Thân