VOV4.M’nông: Bah năp nau tât bah srê, jêr rdâng bah srê Covid019 dôl geh ta n’gor Bắc Ninh, Uỷ ban săch kan n’gor Bắc Ninh hŏ geh nau mbơh đă Hội đồng săch kan neh dak ân Uỷ ban săch kan n’gor Bắc Ninh ƀư săch kan ơm tâm du đê̆ ntŭk nklăch phiếu tâm 2 nkuăl, du nkuăl têh ndrel du nkuăl ƀon têh. Ndơn nau đă aơ, Hội đồng săch kan neh dak hŏ tâm banh nau ŭch ndrel ân du đê̆ nkuăl nklăch phiếu lor tâm nkuăl ƀon têh Bắc Ninh, nkuăl têh Từ Sơn, nkuăl Tiên Du ndrel nkuăl Gia BÌnh geh nklăch phiếu ntơh măt Quốc hội gưl XV ndrel ntơh măt HĐND ăp gưl năm kan 2021-2026 ơm du nar rđil đah nar săch bah lam dak, ngăn lah lơ 22/5/2021. Hội đồng săch kan neh dak đă Uỷ ban săch kan n’gor Bắc Ninh rđau nau săch kan ntoh măt Quốc hội gưl XV ndrel ntơh măt HĐND ăp gưl năm kan 2021-2026 tâm di nau ntrŭnh bah pháp luật ndrel ăp nau ntĭm mbơh bah Hội đồng săch kan neh dak./.

Nŭih rblang: H’Thi