VOV4.M’nông: Tĭng Uỷ ban săch kan nkuăl ƀon têh Bảo Lộc, n’gor Lâm Đồng, lam n’gor geh bơi tât 116 rbăn nŭih cử tri râng săch kan Quốc hội gưl 15 ndrel HĐND ăp gưl năm kan 2021-2026, tâm 90 ntŭk nklăch phiếu. Tât rnôk aơ, tâm ntŭk kan UBND ăp phường, xã, tổ dân phố mô lah nsum mpôl ƀon lan ndrel ăp ntŭk nklăch phiếu, rnoh moh săk cử tri ndrel ntơh măt Quốc hội hŏ geh nchih, lir mbơh kloh.

Ntơh măt ân ăp ntŭk kan bah ăp phường, xã kŏ nchrăp uănh, mbơh nchuh tay moh săk cử tri tĭng nau ntrŭnh bah Luật săch kan, ntrŭnh tâm ban ăp nau kan mât rnă njrăng, dak si, nau kan njrăng rdâng srê Covid-19 kơl an nau săch kan. Nau nchrăp săch tâm lơ 23/5 hŏ geh ƀư ân nâp ueh, ăp nau kan ân tâm di nar gay cử tri geh rơh hăn săch ueh, têm nkrem, đăp mpăn ndrel tâm di nau ntrŭnh bah Luật săch kan ndrel ngăn jêng lah nar rgum bah ƀon lan./.

Nŭih rblang: H’Thi