VOV4.M’nông: Nar aơ, 28/7, ntơm bah 6h măng tât 5h ôi bah kơi, nuĭh ƀon lan Bình Dương mô luh bah dih trong gay njrăng, n'gang nuh srê, mô kơp nuĭh hăn ndăn kơl săm nuĭh ji, nău kan ngih dak, mô lah tĭng nău đă tâm pă kan gay njrăng, n'gang nuh srê Covid-19. Nê lah nău rđău đă bah n'gor Bình Dương tâm rnôk nuh srê Covid-19 dôl tât krit  nji. Aƀaơ, Bình Dương lah ngoăy tâm ăp n'gor, nkual ƀon têh geh rnoh nuĭh ntưp Covid-19 hao âk ngăch đah rlău 8.900 nuĭh, tâm nê dŭt âk nuĭh ji ntưp tâm lam ƀon lan. N'gor dôl an gŭ srang ngai êng lam rêh jêng kon nuĭh tĭng nău ntrŭnh mbrô 16 bah Thủ tướng Chính phủ. Yơn lah, lôch uănh năl bah ăp mpôl hăn pah kan Trung ương n'hanh Bộ Y tế, nuĭh ƀon lan Bình Dương hôm uănh lhơ, thơ tha tâm pah kan njrăng n'gang nuh srê n'hanh rnoh âk nuĭh hăn luh trong hôm âk, lơn lah ta ăp ntŭk rgum nklang nkuâl, thị xã, nkual ƀon têh. Hŭch bah geh ma nău ntưp rêng nuh srê, ăp nkuâl tâm n'gor hŏ njêng âk ntŭk nking kâp nuĭh n'hanh ndeh rklư rsong hăn; nkre ôp uănh, rmal âk nuĭh tih nău ntrŭnh mbrô 16./.

  Nuĭh rblang: Điểu Thân