VOV4.M’nông: Geh ma nău ntoh nuh srê Covid-19 lam hvi ta n'gor Bình Dương geh tât nkual jay trọ bah công nhân nuĭh kan n'hanh nkual công nghiệp. Nău lư dơi Ƀan rđău đă gưl neh dak mpeh njrăng n'gang Covid-19 ndơ̆ luh ta rơh hop pơk sŏng dăng đah kruanh rđău kan n'gor Bình Dương, ôi 30/6. Groi Thủ tướng Vũ Đức Đam, Kruanh Ƀan rđău đă ƀư tơm rơh hop. Mbơh gĭt ta rơh hop, kơp tât aƀaơ, Bình Dương hŏ năl geh rlău 300 nuĭh ji Covid-19, tâm nê rnoh nuĭh F0 ntoh ta 32 công ty, tâm  nkual công nghiệp hŏ năl geh 39 F0. Geh 3 tơm nuh srê têh ta  n'gor n'hanh hŏ ntưp rêng tât 10 ntŭk bah 3 nkuâl n'hanh nkual ƀon têh. Ta rơh hop, Groi Thủ tướng Vũ Đức Đam đă, Bình Dương ân lơi ir gŭ rgum âk  nuĭh, njrăng uănh tât rmôt dơh ntưp; ân tâm pă 2 mpôl hăn uănh năl mham, mât kân nuh srê tâm ƀon lan n'hanh ăp rmôt  nuĭh geh ma nău ntưp, ân n'hao âk rmôt hăn sŏk uănh năl mham n'hanh nsrôih tâm 24h ân dơi uănh năl mham n'hanh nsrôih ân tĭng ƀư lĕ ma realtime PCR ntil mham gum./.

Nuĭh rblang: Điểu Thân