VOV4.M’nông: Kêng măng ntri (25/6), Tổng Bí thư Nguyễn Phú Trọng hŏ ƀư tơm rơh hop Bộ Chính trị gay an nău rgop mpeh du đêt trong ntop kơl nuĭh kan n'hanh tơm dŏng nuĭh kan mâp jêr jŏt tă bah nuh srê Covid 19. Bộ Chính trị năl lah, rơh nuh srê Covid 19 tâm năm e nơh n'hanh năm aơ dŭt krit nji, hŏ khuch têh tât ăp nău kan ƀư njêng, tăch rgâl, rhŏ dŏng, lơn lah ăp nkual công nghiệp, nkual nkret njêng ndăng.

Lah ta rơh hop, Tổng Bí thư Nguyễn Phú Trọng an gĭt, Bộ Chính trị ŭch an trong nchrăp trong ntop kơl tay an nuĭh kan n'hanh tơm dŏng nuĭh kan mâp jêr jŏt tă khuch bah nuh srê Covid-19. Lah rjăp, rhuăt luh nău tă ơm gĭt nău tĭng ƀư nghị quyết 42 bah Chính phủ n'hanh rƀah nău tă ơm gĭt kan, trong ntop kơl bah ăp dak lam ntŭr neh gay rgum ôp uănh tay ăp tŏng lam lĕ rngôch, năl di nuĭh ŭch ntop kơl du trong na nê̆, rdâk njêng rnoh ntop  kơl tâm di, đăp mpăn lhăt, geh nău tâm ban, mbơh kloh rvah, geh nău tam, ngăn ngăn. Tổng Bí thư Nguyễn Phú Trọng njrăng đă nuh srê hôm tât krit nji tay đŏng, jêng mô dơi uănh lhơ, thơ tha tâm pah kan njrăng n'gang nuh srê./.

Nuĭh rblang: Điểu Thân