VOV4.M’nông: Ntoh măt Bộ chính trị, Tổng Bí thư Nguyễn Phú Trọng hŏ ký nau ntrŭnh mrô 02 bah Bộ chính trị mpeh nau rgâl mhe ndrle nau ƀư kan bah Công đoàn Việt Nam tâm rơh mhe. Đah nau kan rgum nsum lah ndâk Công đoàn Việt Nam nâp nâl ăp ntil, geh nau dơi rdâng ndrel rklaih ăp nau kan ndŏ luh, ƀư ueh nau kan tâm rơh mhe, nê lah nau kan chính trị, nâp nâl bah Đảng, Ngih dak, ƀư ueh ntung njŏ, mât nau tâm boh rjăp đah Đảng, Ngih dak đah gaii cấp công nhân, nŭih pah kan;  tâm di ngăn lah ntŭk kan ntoh măt têh ngăn, ntŭk kan rgum, tâm rnglăp ăp kơn nŭih công nhân ndrel nŭih pah kan tâm lam dak, rgop nau ndâk giai cấp công nhân Việt Nam geh nau blau mhe, têh dăng, lah rmôt leo lor tâm nau kan ƀư nau kan hun hao ngăch ndrel nâp nâl bah neh dak. Nau ntrŭnh ndŏ luh ân ăp nkô̆ n’hêl tât năm 2025; Nsôih geh 13,5 rkeh đoàn viên công đoàn, dĭng lĕ ăp ntŭk kan geh 25 công nhân, pah kan hao gŏ lơ geh ntŭk kan công đoàn, tât năm 2023 nsôih geh 12 rkeh đoàn viên. Tât năm 2030, geh 16.5 rkeh đoàn viên công đoàn…Nsôih 85% hao lŏ ăp rmôt kan, ntŭk kan geh ntŭk kan công đoàn ký ton geh dơi nchrăp nau pah kan rgum. Tât năm 2045: ĂP nŭih pah kan tâm ntŭk kan lah đoàn viên Công đoàn Việt Nam; 99% ntŭk kan, rmôt kan geh ntŭk kan công đoàn ký ton dơi geh nau nchrăp pah kan rgum rmôt./.

Nŭih rblang: H’Thi