VOV4.M’nông: Kêng măng 12/7, ta Hà Nội, Đại tướng Tô Lâm, Bộ trưởng Bộ Công an hŏ kuăl điện tâm nchră pơk sŏng dăng đah wa Ajit Kumar Doval, Nuĭh tă ơm gĭt nsŏng kơl Mât rnă njrăng neh dak Cộng hòa Ấn Độ. Ta rơh tâm nchră bar ding ŭch rŏng ntrôl dăng tay tâm boh tâm ôp nău lư, nđơn nkoch tay nău mbơh gĭt lor bah kruanh rđău kan gưl têh, tâm boh kan nsum, ntop kơl nsum ta ăp tơ̆ rgum nchră dak bah dih tâm ban kơt tâm ăp rơh nkra nkô̆ nău ndrel uănh khlay. Lah ta rơh tâm nchră, Nuĭh tă ơm gĭt nsŏng kơl Mât rnă njrăng neh dak Cộng hòa Ấn Độ Ajit Kumar Doval lah rjăp, Hội đồng Mât rnă njrăng neh dak Ấn Độ way ŭanh khlay n'hanh mât, hun hao tâm boh tâm rnglăp, tâm boh tâm brê way ơm đah bar dak, nchrăp n'hao dăng, pơk hvi tâm boh đah Bộ Công an Việt Nam ta lĕ rngôch ăp trong kan. Bar ding ƀư geh nău dơi tay tâm dâl nău ôp rnă njrăng gưl Thứ trưởng bar ding tâl bar ta Ấn Độ; N'hao dăng pah kan tâm boh njrăng n'gang mpôl lơh ndjơh, nuĭh tih rloh rlău neh dak, nuĭh tih dŏng công nghệ mhe, rao prăk, nuĭh tih mpeh ma túy; ntrŭt ntrôl tâm boh ntĭm nti, tiăr nti cán bộ rnâng kan công nghệ thông tin, khoa học hình sự./.

Nuĭh rblang: Điểu Thân