VOV4.M’nông: Bộ Giáo dục n'hanh Đào tạo mhe geh njuăl tât Sở Giáo dục n'hanh Đào tạo mpeh nău n'hao âk trong ƀư ntĭm nti bah ngai ma internet, kalơ radio ƀoh rup tâm rnôk rlu nti, gay njrăng, n'gang nuh srê Covid-19. Si ƀŭt njuăl bah Bộ Giáo dục n'hanh Đào tạo nchih kloh, ta năp nău tât krit nji bah nuh srê Covid-19, tâm rnôk kon se nti phổ thông, nuĭh nti giáo dục thường xuyên manh rlu nti, Bộ Giáo dục n'hanh Đào tạo đă ăp Sở Giáo dục n'hanh Đào tạo n'hao âk tay trong ntĭm nti ma internet, radio ƀoh rup. Na nê̆, ăp Sở Giáo dục n'hanh Đào tạo ntĭm nti ăp nhih nti ôp uănh tay ăp tŏng lam lĕ rngôch, rhuăt glêh nkô̆ gay leo ƀư ntĭm nti ma internet, kalơ ƀoh rup, du trong tâm di. Tâm rnôk an tĭng ƀư nău kan, ân ôp joi, dŏng ăp tơm si ƀŭt ntĭm nti di ma nsing nơm, di ngăn gay leo ƀư ntĭm nti n'hao leo kon se kơt nti. Rnôk kon se plơ̆ nti tay, ăp nhih nti mbra ƀư ôp uănh tay ăp tŏng lam lĕ rngôch, uănh năl jêh geh kơt nti bah kon se nti ma internet, kalơ ƀoh rup./.

Nuĭh rblang: Điểu Thân