VOV4.M'nông: Nar 21/9, Cổng thông tin pháp lý bah chính phủ Nga mbơh ngăn nău ntrŭnh bah Tổng thống Vladimir Putin ký geh nău tam ngăn. Tĭng nê Bộ Hun hao wăng sa Nga mbra geh nhih pah kan ntơh măt ta 52 dak lam ntŭr neh kơp ntơm bah nar 1/10/2021. Gay đăp mpăn nău geh bah Liên bang Nga tâm trong kan wăng sa dak bah dih n'hanh ntrŭt ntrôl tâm boh đah ăp dak, Tổng thống Vladimir Putin hŏ ntrŭnh đă Bộ Hun hao wăng sa kan nsum đah Bộ Ngoại giao n'hanh Bộ Công nghiệp n'hanh Thương mại rdâk njêng nău way kan n'hanh an ƀư pơk văn phòng ntơh măt ta 52 dak lam ntŭr neh. Tĭng nău ntrŭnh, Bộ Hun hao wăng sa mbra njêng ăp nhih pah kan ntơh măt kơt du gâl ăp mpôl tăch rgâl bah Nga ta dak bah dih, tĭng ƀư ăp nău dơi kan êng ma mô mpeh biên chế bah ăp nhih pah kan ntơh măt êng ƀa ƀă./.

Nuĭh rblang: Điểu Thân