VOV4.M'nông: Bộ Ngoại giao Mỹ lah rjăp tâm nchră đah Mpôl tahen Taliban mhe ƀư ta Doha, Qatar lah “sŏng dăng n'hanh ăp grep". Aơ lah rơh mâp na nê̆ lor bôk năp đah ăp kruanh gưl têh Mỹ n'hanh Taliban kơp ntơm bah rnôk mpôl tahen dja hao mât bôk kan ta Afghanistan. Ta aơ, mpôl hăn bah Mỹ lah rjăp tay mbra uănh năl nău mpơl nuih n'hâm uĕh bah Taliban nsing tâm ăp nău kan, rgâl bah hôm ngơi dơm ma mbung. Tâm nê, rơh tâm nchră rgum tâm ôp ăp nău klach rvê mpeh nô nău rnă  njrăng ta Afghanistan, njêng trong hăn đăp mpăn an nuĭh ƀon lan dak bah dih n'hanh đăp mpăn Taliban uănh khlay nău dơi kon nuĭh, lơn lah nău an bu ur n'hanh kon se bu ur râng tâm lĕ rngôch nău kan bah nău rêh. Mpeh Mỹ an gĭt đŏng 2 ding hŏ tâm ban ŭch trong nchrăp ntop kơl nuĭh bah Mỹ an ƀon lan Afghanistan./.

Nuĭh rblang: Điểu Thân