VOV4.M'nông: Ôi 15/11, Đại tướng Tô Lâm, Ủy viên Bộ Chính trị, Bộ trưởng Bộ Công an geh rơh pah kan đah kruanh rđău kan n'gâng tơm n'gor Điện Biên. Lah ta rơh pah kan, Đại tướng Tô Lâm, Ủy viên Bộ Chính trị, Bộ trưởng Bộ Công an hŏ rnê âk ăp nău dơi ma n'gor Điện Biên hŏ geh tâm bah ri aơ nơh. Mpeh nău kan rgum tơm tâm let năp tay, Đại tướng Tô Lâm dăn đă n'gor Điện Biên ntrôl dăng tay rnoh ngăch rdâk ƀư ăp trong nchrăp kan tơm khlay, kơt trong nchrăp pơk têh hvi tay tach ndeh păr Điện Biên đah trong uănh têh nkual; rdâk njêng ăp trong nchrăp kan hun hao tuch tăm công nghệ mhe; wăch rgum ntuh kơl hun hao tơm mắc ca gay tŏng đah nău ŭch rnoh nkŭm n'hâm neh yôk lưn, nkre kơl nuĭh kan geh nău kan, nsĭt geh wăng sa đăp mpăn. Aƀaơ, nău rêh nuĭh ƀon lan ta nkual yôk hôm âk jêr jŏt, du đêt ntŭk mô hŏ geh trong điện neh dak, yor kơt nê̆ n'gor Điện Biên ân lor nchrăp lơn đŏng tâm trong an ƀư ăp bôk nău kan, trong nchrăp rƀŏng sĭt mpeh tâm dâng, rƀŏng tât n'hao geh nău rêh bah nuĭh ƀon lan, nsĭt tay đăp mpăn hơm răm ngăn an ƀon lan./.

Nuĭh rblang: Điểu Thân