VOV4.M'nông: Ta Hà Nội, Đại tướng Tô Lâm, Uỷ viên Bộ Chính trị, Bộ trưởng Bộ Công an wơt Bộ trưởng Ngoại giao nkre ƀư Bộ trưởng Bu ur Australia Marise Payne dôl geh hăn khâl n'hanh pah kan ta Việt Nam. Ta rơh wơt, Bộ trưởng Tô Lâm lah kloh, đah nău ntop kơl bah Bộ Ngoại giao Australia, tâm boh đah Bộ Công an Việt Nam đah ăp nhih pah kan tĭng ƀư pháp luật Australia hŏ tĭng kơn dơi n'hao dăng kalơ ăp trong kan njrăng, n'gang nuĭh tih, mât uănh lăp gŭ, tâm kơl tư pháp...Bar ding way leo mpôl râng nkô̆ nău mât uănh lăp gŭ, tâm boh kan nsum uănh năl di nău lư, rmal lơh ăp mpôl leo nuĭh ntrơn du mô geh nău way, nkoch trêng njrăng n'gang ntrơn du mô geh nău way...gay ntrŭt ntrôl lơn đŏng tâm boh bar dak lah nsum, đah Bộ Công an Việt Nam n'hanh ăp băl tâm boh Australia lah êng, Bộ trưởng Tô Lâm dăn đă  bar ding n'hao dăng tay tâm boh mpeh tăch rgâl, ntuh kơl, gay tâm ntop kơl nsum dâk hao tay wăng sa jŏ jong lôch bah nuh srê COVID-19; n'hao dăng tâm boh, tĭng ƀư tay geh nău tam bôk nău kan an ƀư Tâm boh têh jong Việt Nam – Australia lvang năm 2020 – 2023….

Nuĭh rblang: Điểu Thân