VOV4.M’nông: Rƀŏng tât nkah ndray 74 năm Nar tahen ơm khĭt, rmanh (27/7), kêng măng 19/7, Bộ trưởng Bộ Lao động Thương binh n'hanh Xã hội Đào Ngọc Dung ndrel mpôl pah kan bah Bộ hŏ tât khâl n'hanh pă nklâm ndơ du đêt rnăk geh n'hâm suan ta Hà Nội. Bộ trưởng Đào Ngọc Dung ndrel mpôl pah kan hŏ tât khâl n'hanh pă nklâm ndơ 3 rnăk geh n'hâm suan ta nkual ƀon têh Hà Nội lah: Rnăk wa Phạm Đình Thi, tahen ơm rmanh 81%; rnăk wa Đỗ Thị Hành lah ur tahen ơm khĭt Nguyễn Văn Thuyết gŭ ta quận Long Biên da dê n'hanh rnăk wa Nguyễn Tường Vĩnh, tahen ơm rmanh 81% ta quận Ba Đình. Khâl ăp rnăk geh n'hâm suan, Bộ trưởng Bộ Lao động Thương binh n'hanh Xã hội Đào Ngọc Dung mpơl nău nkah gĭt jru hvi ta năp ăp nău rgop n'hanh roh yot têh kuâng bah ăp rnăk dơi  kơl, nkre ŭch rŏng ăp rnăk mât uĕh tay nău way ơm cách mạng, nsrôih rlău dơi jêr jŏt, lah nuĭh ntĭt leo lor trong chrat ang an kon său kơt nti, pah kan jan sa, lôch nê rgop hun hao ƀon tơm, neh dak./.

Nuĭh rblang: Điểu Thân