VOV4.M'nông: Bộ trưởng Ngoại giao Trung Quốc Vương Nghị mhe ôp srĭng nău Đại sứ ăp dak lăp kan nsum Đông Nam Á ta Bắc Kinh gay rdâk têh dăng tay đŏng tâm boh bar ding n'hanh tâm ôp ăp nkô̆ nău dak bah dih, nkual ma bar ding ndrel uănh khlay. Lah ta rơh mâp măt, Bộ trưởng Ngoại giao Trung Quốc Vương Nghị an lah, Trung Quốc way ŭch kơl nău rdâk njêng jâng wăng sa nsum ASEAN n'hanh ntŭk gŭ kan rgum tơm bah ASEAN tâm trôm tâm boh ta nkual. Trung Quốc n'hanh ASEAN bơi ndrel ƀư tâm nchră gưl têh nkah ndray 30 năm njêng tâm boh tâm dâl n'hanh uănh aơ lah nău kan khlay đah trong rƀŏng hun hao tâm boh Trung Quốc - ASEAN tâm 30 năm tât. Wa Vương Nghị an gĭt, Trung Quốc mbra ntop kơl tay vaccine an ăp dak ASEAN an tât rnôk nuh srê dơi rdêl bah lĕ rngôch, tâm boh đah ăp dak ASEAN rdâk njêng nkual dah rŏng tăch rgâl Trung Quốc – ASEAN.

Nuĭh rblang: Điểu Thân