VOV4.M’nông: Bộ trưởng Quốc phòng Mỹ Lloyd J. Austin hŏ hăn tât Singapore tâm trôm bôk nău kan hăn khâl jong nar tât Đông Nam Á tâm pơh dja, gay lah rjăp nău khlay bah Mỹ tâm nău rdâk tay ăp trong tâm boh tâm nkual. Bộ trưởng Quốc phòng Mỹ Lloyd J. Austin nar 27/7 hŏ geh rơh mâp đah nuĭh ndrel gưl kan Singapore Ng Eng Hen, plơ̆ lah rjăp tay nău tâm boh tahen njrăng n'gang neh dak bar ding jŏ năm n'hanh âk ntil đah bar dak. Bar kruanh mât bôk kan tahen  njrăng n'gang neh dak lah rjăp nău tâm boh lhăt tâm trong kan tiăr nti, ntĭm nti, dơi an saơ ma nău bar ding râng ăp nău kan nti tâm lơh nsum bar ding n'hanh âk ding mhe aơ./.  

Nuĭh rblang: Điểu Thân