VOV4.M'nông: Ăp Bộ trưởng Tài chính Liên minh châu Âu (EU) hŏ tâm ban ŭch kân hao khlay ndơ dŏng, tâm ban kơt rnon ngih dak tă bah nuh srê tâm năm tât ma mô khuch tât hun hao wăng sa. Hao khlay ndơ hŏ hao 4,1% rđĭl đah ndrel khay dja năm e nơh ta 19 dak dŏng prăk nsum châu Âu (Eurozone), lơn âk tă bah hao khlay dak ŭnh tâm rnôk nău ŭch geh dŏng hao ndal ta ăp dak dâk hao tay wăng sa ngăch. Ăp bộ trưởng EU klach rvê rnoh hao mbra jêng ntrôl hao prăk khay âk lơn, njêng luh du wăch wêl hao khlay ndơ. Ăp bộ trưởng Liên minh châu Âu ntơm tâm nchră n'hanh trong nchrăp rgâl nău way ngân sách bah mpôl đŏng, tâm nê ăp chính phủ ân mât hŭch bah ngân sách ta nâm 3% GDP n'hanh rnon ta nâm 60%, gay ƀư rgâl tâm di đah ngăn geh wăng sa bah kơi nuh srê lah rnon ngih dak hao khlay n'hanh nău ŭch geh ntuh kơl ngih dak têh gay rdâng lơh rgâl duh nđik trôk nar./.

          Nuĭh rblang: Điểu Thân