VOV4.M'nông: Bộ Y tế Lào kuăl jă tay nuĭh ƀon lan lam dak nsrôih râng hăn chuh vaccine Covid-19, nsrôih geh tât 50% rnoh nuĭh dơi geh chuh vaccine, tâm ban đah nklăp 3,7 rkeh nuĭh, rgop nking nchăng nău ntưp rêng bah nuh srê Covid-19 tâm ƀon lan. Tĭng nê, nuĭh ƀon lan ŭch chuh n'glai tâl bar vaccine Covid-19 ta thủ đô Vientiane mbra dơi  đăng ký pơk sŏng dăng gay ton mông nar chuh ta bar ntŭk lah chùa Tàu, ƀon Dongpaleb n'hanh Nhih nti Đại học Y khoa bản Dongphosy, ntơm bah 9h ôi tât 3h kêng măng ăp nar. Aƀaơ Lào hŏ nchrăp pă an tŏng rnoh vaccine Sinopharm. Đah rlău 100.000 dĭng vaccine Pfizer mhe dơi kơl bah nău way COVAX, Lào mbra an chuh n'glai bôk năp an nuĭh ƀon lan thủ đô Vientiane ntơm bah nar 15/6 tât. Ta năp măt, an chuh lor nuĭh rlău 60 năm deh mô lah nuĭh ơm geh nău ji tâm săk./.

Nuĭh rblang: Điểu Thân