VOV4.M’nông – Ôi 9/7, 580.000 dĭng vaccine Covid-19 bah AstraZeneca tĭng tâm ton nchăm rwăt bah trong chuh VNVC lĕ jur tach ndeh păr quốc tế Tân Sơn Nhất. Đah 580.000 dĭng bah VNVC rơh jao ndơ tal 3 ta tâm ton 30 rkeh dĭng ma Công ty Cổ phần vaccine Việt Nam (VNVC) nchăm rwăt lor bah AstraZeneca, jêh nĕ jao an tĭng nău way mô geh prăk kon an N’gâng kan dak si.

Uănh nđôi vaccine AstraZeneca

Rnoh vaccine rơh aơ mbra dơi jao an mô geh prăk kon an N’gâng kan dak si, gay ơm ƀư chuh an nuĭh ƀon lan, lơn lah ăp nkual srê aƀaơ. Rlău ma nĕ, VNVC ton đŏng hăn ndrel tâm rnôk wơt dơn vaccine bah nuĭh nkra njêng AstraZeneca an tât lvang jao an. Tâm nar 9/7, 400.000 dĭng bah Nhật Bản ntop kơl lĕ sĭt tât tach ndeh păr Tân Sơn Nhất. Aơ lah rnoh vaccine geh tâm 2 rkeh dĭng Nhật Bản ntop kơl mô mplơ̆ tay an Việt Nam.

Nŭih rblang: Y Sưng Phê Ja