VOV4.M’nông – Ndrel đah kon hŏk lam dak, nar 7/7, rlău 19.800 kon hŏk bah n’gor Dak Lak ntơm tâm rơh tâm rlong tốt nghiệp THPT năm 2021 (rơh 1). Bôl lah ngoay tâm âk ntŭk geh nuĭh ntưp Covid-19 yơn knơm uănh nđôi uĕh nu nău srê jêng kon hŏk, me bơ̆ n’hanh ăp nuĭh râng rhŏ rơh tâm rlong đăp mpăn, nsing nơm rơh tâm rlong đăp mpăn, rhăt jăp, di trong ntrŭnh. Ta ntŭk tâm rlongg ngih sam ƀŭt THPT Lăk, nkuăl têh Liên Sơn, nkuăl Lăk, ntŭk lĕ kơp dơn 2 hê ntưp Covid-19, lĕ rngôch kon hŏk lĕ dơi test ngăch n’hanh an saơ mô ntưp, jêng ăp oh ntơm rơh tâm rlong đah nău mĭn đăp mpăn. Lĕ rngôch kon hŏk tĭng rjăp nău wăn bok put mbung.

Kon hŏk đăp mpăn ntŭk gŭ lor rnôk ƀư bài tâm rlong

Gay đăp mpăn tâm ƀah, dêr rgum âk kon hŏk du tơ̆, hội đồng tâm rlong lĕ n’hao rmôt dak si hao 10 nuĭh ƀư na nao ăp nău uănh nđôi duh săk, rao ty lor rnôk kon hŏk lăp jrô tâm rlong. Bah meng nchrăp uĕh nău nti snơm, ăp kon hŏk lĕ wât tŏng ăp săk soan gay lăp tâm rlong.

Nŭih rblang: Y Sưng Phê Ja