VOV4.Mnông – Hội chữ thập đỏ Lâm Đồng lĕ ƀư rƀŭn nchră mbơh bôk nău kan Hành trình đỏ n’hanh Nar yŭr mham ŭch êng “Ntruh dak mham gŭr nkual ƀon têh Nkao” rơh tal 9 năm 2021. Tĭng trong nchrăp, Bôk nău kan Hành trình đỏ mbra ƀư tâm 2 nar 19 n’hanh 20/6/2021. Bôk nău kan mbra rgŏ jă 2.000 nuĭh râng yŭr mham ŭch êng đah nchrăp wơt dơn 1.000 đơn vị mham gay njuăl sĭt viện huyết học-truyền máu Trung ương. Yor srê Covid-19 jêr jŏt jêng bôk nău kan hành trình đỏ năm aơ ƀư dơh ngăch đah ăp nău ƀư khlay n’hanh tĭng ntŭk kan tâm mpôl ntĭm rđău mbơh ƀư tâm ban nău njrăng n’gang srê Covid-19 kơt: pă mông nar tâm di an ăp ntŭk kan jă nuĭh tât râng yŭr mham, tŏng ăp trong kan nkoch trêng njrăng n’gang srê Covid-19; puh rao kaman lor n’hanh jêh yŭm mham, ntĭm uănh duh săk, wăn bok put mbung, rao ty n’hanh tâm ƀah, ntĭm n’hanh ƀư tĭng rjăp, tŏng ăp nău ntrŭnh 5K.

Nuĭh rblang: Y Sưng Phê Ja