VOV4.M’nông – Ta rƀŭn nchră mbơh ƀư nău kan tâm ăp khay dŭt năm ƀư ôi 30/6 ta Hà Nội, Groi Kruanh n’gâng kan tuch tăm mât rong n’hanh Hun hao ƀon lan Phùng Đức Tiến lah rjăp, dăp rgâl tay lŏ mir lah nău kan di gay mât hao jêng bah nău kan n’hanh ƀư tĭng “nău rƀŏng nsum” tĭng ntĭm rđău bah Thủ tướng Chính phủ tâm rnôk srê Covid-19 năl lah hôm e jêr jŏt. 6 khay bah năp, ăp rnoh an ƀư bah nău kan lŏ mir hao geh n’hanh rlău nău nchrăp da dê: Ngăch hao jêng geh 3,83%; hao 3,71% đah rnoh khlay, geh prăk tăch n’gluh ndơ lŏ mir tui ka hao 28,3% đah 24,23 rmen đôlar, lŏ mir tâm di lah n’gâng tơm bah jâng wăng sa, lơn lah tâm rnôk jêr jŏt khuch bah srê Covid-19. Săk rnglăy 6 khay bah năp bah nău kan lŏ mir lah nău lăp dŭt n’hâm bah lĕ trong chính trị nău tât râng dŭt n’hâm bah ăp ntŭk, doanh nghiệp, Hiệp hội nău kan ndơ n’hanh nuĭh ƀon lan tă bah nĕ ntơm ndâk njêng n’hanh dơi rêh tâm lŏ mir.

Nŭih rblang: Y Sưng Phê Ja