VOV4.M’nông: Tâm pă jêr jŏt đah kônh wa dôl geh mpă wêl n'hanh mpôl hăn pah kan ta nklang tơm nuh srê ta nkual ƀon têh Hồ Chí Minh n'hanh ăp n'gor Bình Dương, Đồng Nai, ăp nar dja, lam ăp ntŭk tâm n'gor Dak Nông, ăp Câu lạc bộ, Rmôt nuĭh râng kơl êng an nsum mpôl, ndrel ăp nuĭh lŏng nuih n'hâm n'hanh kônh wa ăp rnoi mpôl đê̆ hŏ rgum, rdeng hang rhiăng tấn biăp, play, bum mbo njuăl an đah ŭch rŏng nsum ti ntrôl rŭch nuh srê Covid-19.

 Kơp ntơm bah nar 23/6 tât nar 12/7, Ban Trị sự Giáo hội Phật giáo n'gor Dak Nông hŏ rgop geh 142 tấn ndơ dŏng sa khlay lĕ ma phe, biăp, bum blang, prit, play đŭr, rpuăl, bơ...kơl kônh wa ta nkual geh nuh srê. Ta nkuâl Dak G’long rlău 70 tấn si lat bum, bơ, biăp hŏ dơi rmôt râng kơl êng rgum.

Ta nkuâl Dak Song n'hanh Tuy Đức rlău 60 tấn bum, biăp, play n'hanh 6.000 tăp dơi kônh wa kơl rƀŏng sĭt mpeh nkual nuh srê...

Nuĭh rblang: Điểu Thân