VOV4.M’nông – N’gâng kan dak si ăp ngih dak si gưl Trung ương ndâk njêng 3.000 nsưng săm sĭt tay săk soan ta nkual ƀon têh HCM. Nĕ lah nău lah bah Kruanh n’gâng kan dak si Nguyễn Thanh Long ta nar pah kan đah Thành ủy, UBND nkual ƀon têh HCM mpeh trong kan njrăng n’gang srê ta ntŭk tâm nar 29/7.

Bah dih ngih dak si 1.000 nsưng, nkual ƀon têh HCM mbra geh 3 ntŭk săm sĭt tay săk soan êng yor ăp ngih dak si trung ương mât uănh

Kruanh N’gâng kan dak si Nguyễn Thanh Long an lah, nău an uănh ngăn bah nkual ƀon têh HCM ta rnôk aơ lah m’hâm ƀư gay săm ăp nuĭh ji mbăn, jru mbăn n’hanh n’hŭch rnoh nuĭh khĭt. Rlău ma ăp rmôt ngăch prăl lĕ rngôch jă bah năp nĕ, N’gâng kan dak si đă lĕ rngôch ăp kruanh Cục/vụ geh tât n’hanh kruanh ăp ngih dak si têh ngăn, ngih dak si chuyên khoa gưl trung ương lăp nkual ƀon têh gay ndrel soan ndâk njêng ƀư trong săm, lơn lah trong sĭt hao tay săk soan an nuĭh ji Covid-19.

Nŭih rblang: Y Sưng Phê Ja