VOV4.M’nông: Lơ 30/3, rơh rƀŭn tal 19 bah Uỷ ban tâm boh nsum ASEAN-Nga hŏ geh ƀư đah nau kan trực tuyến.  Aơ lah rơh rƀŭn ăp năm gưl kan ntoh măt ăp dak gay uănh tay ndrel nchră ăp nau kan ntrŭt dăng ăp nau kan ndrel nau pah kan tâm boh ASEAN-Nga. Tâm rnôk geh srê Covid-19 lŏ dôl tât jêr, bar ding ân ƀư rjăp nau n’hao nau tâm boh ngăn gay ma rdâng ân nâp lơn đah srê ndrel ntrŭt dăng nau ndâk tay ăp ntil ndrel nâp nâl. Mpeh nau kan tâm rơh tât, bar ding mra lŏ ƀư ân nâp lơn nau tâm boh kan nsum ASEAN-Nga, uănh khlay nau kan bar ding ndrel uănh, n’hao lơn nau tâm nthoi, rgum nau tâm ƀah, ntrŭnh nau kan mpeh bah nkuăl ƀon têh blau ueh mhe, hun hao nŭih pah kan, n’hao nau kan tâm boh ntĭm nti, dak si ndrel pâl n’aih, tâm n’ur đah druh ndăm ndrel sinh viên, njrăng rdâng srê, mât njrăng trôk nar lơh ndrel rdâng đah nau rgâl mhe trôk nar./.

Nŭih rblang: H’Thi