VOV4.M’nông - Thủ tướng Campuchia Hun Sen nar 16/11 mĭn lah, đah nău ƀư dak tơm jay bah Rƀŭn nchră gưl prêh rƀŭn kan ndrel Á-Âu (ASEM) rơh tal 13, tâm nar 25 n’hanh 26 khay 11 tât tĭng trong ƀư trực tuyến, kơl lor bôk năp bah Campuchia n’hao chủ nghĩa ăp ding gay rƀŏng tât dơi geh rdâk hao wăng sa rêh jêng nâp nâl, n’ăp lam hvi n’hanh dơi rdâk hao jêh srê. Ntoh ngơi ta Rƀŭn nchră kan ndrel Nghị viện Á-Âu rơh tal 11 (ASEP 11) dơi ƀư đah trong trực tuyến, Thủ tướng Hun Sen lah, đăp mpăn rnă njrăng lam ntŭr neh dôl rdâng đah nău mpet têh n’hanh ăp nău roh đăp mpăn tă bah tâm rlong chính trị nar lơ hao. Tâm rnôk rdâng chính trị duh jêr kơt nĕ, knŭng geh tâm boh kan ndrel tĭng nău nsing nơm mhe dơi mât du trong ăp ding, rƀŏng tât đăp mpăn, tâm rnglăp, hao jêng n’hanh uĕh lăng bah lam ntŭr neh.

Nŭih blang: Y Sưng Phê Ja