VOV4.M’nông: Nau tâm ton dah rŏng tăch rgâl đah Campuchia-Trung Quốc mra geh nau tam tâm khay 1/2022 ndrel bar dak nsôih mra leo rnoh geh ƀư nau kan tăch rgâl bah bar ding geh rlau 10 rmen đolar/năm. Aơ lah ngoai tâm ăp nkô̆ nau tơm tâm nau kan rƀŭn nchră trực tuyến đah Thủ tướng Campuchia Hun Sen ndrel Thủ tướng Trung Quốc Lý Khắc Cường tâm lơ 15/11. Bar ding hŏ rgum tâm nchră mpeh nau kan tăch rgâl ndrel du đê̆ nau kan ma bar ding ndrel uănh khlay. Thủ tướng Hun Sen ndrel Thủ tướng Lý Khắc Cường hŏ tâm ban nau kan trŭt dăng nau văng sa tăch rgâl bah bar ding hao 10 rmen đola, ndrel đah nê bar ding kŏ n’hao nau tâm boh tâm ton nau dah rŏng tăch rgâl ntơm geh nau tam ntơm khay 1/2022./.

                        Nŭih rblang: H’Thi