VOV4.M’nông – N’gâng kan tăch rgâl Campuchia an gĭt tâm 6 khay bôk năm aơ, Mỹ na nao ntŭk tăch n’gluh ndoh ndơ têh ngăn bah Camuchia đah khlay hao dăng nkôp đah rơh aơ năm e. Tâm 6 khay bah năp, dĭng lĕ geh tăch n’gluh bah Campuchia an Mỹ geh rlău 3 rmen đôlar, hao 35% nkôp đah n’gul bôk năm e. Ndoh ndơ tăch n’gluh bah Campuchia an Mỹ dŭt âk lah ndơ kho ao, ntô jôt, ndeh wah jâng n’hanh ndơ dŏng tâm jay. Lĕ rngôch ăp ndoh ndơ aơ dơi Mỹ an kơl an prăk soay đah rnoh soay 0%. Groi kruanh Jrô kan tăch rgâl Campuchia Lim Heng an lah kơl an tăch rgâl geh nău khlay tâm hao jêng tăch n’gluh bah Campuchia an Mỹ. N’gul bôk năm aơ, dĭng lĕ khlay tăch n’gluh bah Campuchia geh 8,2 rmen đôlar, tâm nĕ tăch n’gluh an Mỹ geh nklăp 36%.

Nuĭh rblang: Y Sưng Phê Ja