VOV4.M'nông: Ôi (29/10), ta mpông n'har bri hăn dak bah dih Bavet – Mộc Bài mpeh bar n'gor Svay Rieng, Campuchia n'hanh Tây Ninh, Việt Nam hŏ ƀư lễ pă an 200.000 dĭng vaccine njrăng n'gang COVID-19 bah Chính phủ n'hanh ƀon lan Campuchia kơl Chính phủ n'hanh ƀon lan Việt Nam tâm rơh rdâng lơh nuh srê COVID-19. Lah ta rơh lễ, wa bu ur Or Vandine, Kruanh Ủy ban neh dak chuh n'gang vaccine COVID-19, ntơh măt an Thủ tướng Hun Sen mpŏng nklâm ndơ dja rgop kơl Chính phủ n'hanh ƀon lan Việt Nam geh nău dơi tâm rơh rdâng lơh nuh srê COVID-19. Nău kan dja hôm mpơl nuih n'hâm tâm pă đah bar dak kêng n'har tâm ban kơt nău uănh khlay êng bah Thủ tướng Hun Sen nơm đah n'hâm suan n'hanh đăp mpăn bah nuĭh ƀon lan, lơn lah ƀon lan gŭ rêh njok n'har bri đah bar dak./.

Nuĭh rblang: Điểu Thân