VOV4.M’nông: Bah năp nau tât jêr bah srê Covid-19, Lâm Đồng đă cán bộ, công chức, viên chức ndrel nŭih pah kan tâm ăp ntŭk kan, rmôt kan tâm n’gor ƀư xét nghiệm 3 tơ̆/nar. Lơ 23/11, n’gor Lâm Đồng lŏ kơp dơn geh 171 nŭih ntưp srê Covid-19 mhe, n’hao rnoh nŭih ntưp srê tâm n’gor hao 2.154 nŭih. Rnoh hao ngăch kơp ntơm ntơm rnôk geh ƀư nau nkhah srang nŭih. Tĭng nau năl bah UBND n’gor Lâm Đồng, nkô̆ ƀư geh srê Covid-19 hap âk ngăn bah ăp nŭih ƀon lan tă bah n’gor êng, nkuăl geh srê tât Lâm Đồng ƀư ntoh srê tâm âk ntŭk.

Gay ƀư ueh nkô̆ nau bar ntil kan, nkre njrăng srê săk tam, đăp mpăn n’hâm soan, nau rêh bah ƀon lan ndrel hun hao văng sa rêh jêng, UBND n’gor Lâm Đồng rđau ăp ntŭk kan, rmôt kan, ntŭk kan ƀư xét nghiệm ngăch ân cán bộ, công chức, viên chức ndrel nŭih pah kan 3 tơ̆/nar. Nkre, đă ăp ntŭk, ăp nŭih tât pah kan ân geh chuh tŏng vắc xin ndrel xét nghiệm mô ntưp tâm nar ntrŭnh./.

Nŭih rblang: H’Thi