VOV4.M’nông: N’gâng kan pâl n’aih Châu Á dôl joi ăp trong gay ma ntrơn rgâl jêh ndâk bah srê Covid-19. Tâm 2 khay rlau aơ, hŏ geh rlau 38 rbăn tơ̆ năch dak ba dih chuh tŏng vắc xin Covid-19 tât Phu-kẹt, Thái Lan, leo nsĭt nau văng sa âk jêt rkeh đola. Nau ngăn lah, knŭng nklăp 0.3% tâm rnoh aơ geh ntưp ma srê Covid-19. Bôk khay 11 tât, Thái Lan mra pơk tay 5 ntŭk pâl n’aih ân năch. Đah nau kan chuh n’gang, xét nghiệm ndrel n’huch, n’gâng kan Thái Lan ŭch mra n’huch ngăn nau nkri bah srê Covid-19, tâm rnôk pơk nau dah rŏng ân năch pâl n’aih ndăn nau rlu tâm dak lêng. Hôm ta Ấn Độ, ntơm bôk khay 10, Bang Goa, hŏ pơk mpông vơt năch tâm dak chuh vắc xin Covid-19. Chính phủ Ấn Độ rnơm vắc xin mra lah ntil ndơ kơl an ân dak aơ pơk tay mpông pâl n’aih du trong ueh ngăn./.

Nŭih rblang: H’Thi