VOV4.M’nông: Kơp ntơm lơ 1/7, ăp năch ta Châu Âu ân n’hơ săm ƀŭt kơp dơn kỹ thuật mrô Covid-19 Châu Âu gay ma hăn rlet ăp dak tâm Liên minh ma mô kâp nchâp nau kơt tĭng ăp nau kan mô dơi. Jêh du khay dŏng rlong tâm du đê̆ dak Liên Minh Châu Âu, ntơm lơ 1/7, “Nau kơp dơn kỹ thuật mrô Covid-19 Châu Âu”, moh săk ngăn bah n’ha săm ƀŭt ân hăn ro Covid-19 ntơm geh dŏng ndrel kơp dơn tâm dĭng lĕ 27 dak kan nsum bah Liên minh Châu Âu ndrel du đê̆ dak kan nsum êng ta Châu Âu kơt Thuỵ Sỹ, Lichtenstein, Icland ndrel Nauy. Ntơm măng 30/6, hŏ geh 21 dak ndrel tâm nthoi tâm mpông điện tử mât ntrong kan nsum. 6 dak êng hŏ nchrăp mpeh trong kỹ thuật. Geh ân lah ndơ geh dŏng ân nơih lơn nau kan hăn ro kŏ kơt lah ntrŭt dăng nau pâl n’aih tâm Châu Âu tâm rnôk aơ, “nau kơp dơn mrô Covid-19” bah Châu Âu geh ân dŏng hăn đah 2 ntil săm ƀŭt ndrel điện tử, tâm nê geh du mã QR gay mbơh nau ndrel uănh ngăch dĭng lĕ nau geh tât srê Covid-19 bah nŭih geh kơp dơn, geh nau dôl geh nau ji, ăp xét nghiệm hŏ geh ƀư kŏ kơt lah nau geh chuh vắc xin njrăng rdâng srê Covid-19./.

Nŭih rblang: H’Thi