VOV4.M’nông: Du rmôt ăp nŭih kan khoa học pah kan tâm Châu Phi mhe saơ du ntil kman SARS Cov2 mhe geh 34 ntil êng tâm ăp nŭih năch tâm tach ndeh mpăr Ăng-gô-la. Aơ lah rnoh geh nau tât êng âk ngăn kơp ntơm sa ơm tât rnôk aơ. Tĭng ăp nŭih, ăp nau tât geh saơ tă bah ăp nŭih năch tă bah Tan-da-ni-a. Ăp nŭih kan khoa học ân lah, ăp nau tât aơ mra ƀư hao âk lơn nau geh kman rdâng đah nau tam tâm săk ndrel n’hao lơn nau tâm ntưp. Yơn lah, ăp nŭih kan bu nkah, lah du hê nŭih geh ntưp ntil kman SARS- Cov2 Ăng-gô-la ri ân geh chuh njrăng vắc xin Covid-19. Bol ma nau săk tam bah ntil vắc xin aơ mra n’huch nsing tâm nau geh tât mhe, yơn nau aơ mô geh nkoch lah ntil vắc xin mra geh nau tam./.

Nŭih rblang: H’Thi