VOV4.M’nông: Lơ 9/7, n’gâng kah Đức ntoh nau rvê mpeh nau geh jêng chính trị ta Haiti, jêh rnôk nkhĭt Tổng thống Giô-ve-nen Moa-xơ, nkre njoăl nau tâm pă nau rngot tât ƀon lan Haiti ndrel rnăk vâl bah Tổng thống. Ntoh nau bah năp nŭih nchih nkoch nau mhe, nŭih ntoh ngơi bah Thủ tướng Đức Angela Merkel lah rjăp: Aơ lah du nau tih ngăn ndrel phung hên dăn njoăl nau rngot ngăn tât ƀon lan Haiti ndrel rlau ma nê lah rnăk bah Tổng thống Moa-xơ. Phung hên ŭch ân rnăk vâl bah Tổng thống ngăch geh ndâk tay ueh. Bah năp nê, tâm lơ 7/7, du rmôt tahen bu manh lơh nŭih hŏ lăp tâm ngih bah Tổng thống Giô-ve-nen Moa-xơ ndrel ƀư ur păng Mác-tin Moa-xơ rmanh jru dôl geh săm tâm Mỹ./.

Nŭih rblang: H’Thi