VOV4.M’nông: Gay kơl an ndrle năn ndâl, săk tam ân nau kan njrăng, rdâng srê Covid-19 tâm nkuăl ƀon têh Hồ Chí Minh ndrel ăp nkuăl mpeh ba dâng, Thủ tướng Chính phủe mhe ký nau ntrŭnh mrô 970 mpeh nau ndâk “Rmôt kan khlay” njrăng, rdâng srê Covid-19. Thủ tướng đă ăp Kruanh n’gâng kan: N’gâng kan neh dak, N’gâng kan Công thương, N’gâng kan tuch tăm ndrel hun hao ƀon lan, N’gâng kan gung trong nchuăn rdeng, N’gâng kan Lao động-Thương binh ndrel Xã hội nsing tâm nau kan, nau ƀư, nau dơi geh jao, ndâk nkre “rmôt kan khlay” njrăng, rdâng Covid-19 bah ăp N’gâng kan, tâm rgop nsum đah nkuăl ƀon têh Hồ Chí Minh ndrel ăp nkuăl mpeh ba dâng, ngăn lah ăp nkuăl dôl ƀư  nau ntrŭnh mrô 16 gay ma nchră rklaih ăp nau kan geh ntoh luh tâm nau njrăng, rdâng ndrel rklaih ăp nau kan geh tât. Aơ lah nau kan khlay tâm nau kan ƀư, Thủ tướng Chính phủ đă ăp Kruanh n’gâng kan rgum ƀư, ơm ƀư tĭng nau săk tam bah Rmôt kan khlay./.

Nŭih rblang: H’Thi