VOV4.M’nông: Lơ 23/5, Rmôt nŭih kan mpeh dak si bah Việt Nam hŏ geh nar mbơh nau tă geh bah nau pah kan đah Groi Thủ tướng Kikeo Khayphamphithoune, Kruanh Uỷ ban ƀư nau kan bah neh dak njrăng rdâng srê Covid-19 bah Lào. Tĭng nê, rơh rlau aơ, rmôt kan geh n’gâng kan dak si bah ăp n’gor tâm nklang ndrel ma dâng dak Lào ndrel Thủ đô Viên-chăn, tât uănh nau kan njrăng, rdâng srê Covid-19. Groi Thủ tướng Lào Kikeo Khayphamphithoune rnê prêh nau kơl an bah ăp nŭih kan dak si bah Việt Nam. Nau kơl an bah ăp nŭih aơ hŏ kơl an Lào geh tay nau blau gay ma rdâng njrăng nau ntưp rêng bah srê Covid-19./.

Nŭih rblang: H’Thi