VOV4.M'nông: Chính phủ Nhật Bản (nar 24/12) hŏ uănh an dŏng trong nchrăp kan ngân sách an năm dŏng prăk kaih 2022 rnoh khlay 107 rbăn rmen yên (tâm ban đah 940 rmen đôlar). Aơ mbra lah rnoh dŭt âk tâm năm tâl 10 mbro. Tâm nê, ndơ an dŏng dŭt âk lah an đăp mpăn lam rêh jêng kon nuĭh, hao nklăp 440 rmen yên hao tât rlău 36 rbăn rmen yên n'hanh âk tât du gâl pe lĕ rngôch rnoh ngân sách. Nău dja an saơ nău nsrôih bah Chính phủ Nhật Bản tâm nău ntrŭt ntrôl hun hao công nghệ mhe n'hanh n'hao nău dăng tâm ăp trong kan mât rnă njrăng mhe kơt ntŭk rêh mạng n'hanh ntŭk gŭ rêh kalơ trôk tâm rnôk dôl tâm rdâng đah nău hao ndrŏng nar lơn ma âk bah Trung Quốc n'hanh nău tât ntêt nkri bah grăp ŭnh hạt nhân bah Triều Tiên. Nchroh, n'gâng kan bah Thủ tướng Kishida Fumio mbra hao mbơh dăn trong nchrăp ngân sách dja ta rơh hop way ăp năm bah Quốc hội dơi rgum tâm nar 17 khay 1 tât, gay ma ntơm dŏng ngân sách tâm kêng dŭt khay 3 năm 2022.

Nuĭh rblang: Điểu Thân