VOV4.M’nông: Uănh năl nău dăn đă bah UBND nkual ƀon têh Hồ Chí Minh mpeh nău rvăt n'hanh dŏng vaccine njrăng n'gang nuh srê COVID-19, Groi Thủ tướng Chính phủ Vũ Đức Đam mhe ŭch đah nău dăn đă bah UBND nkual ƀon têh Hồ Chí Minh mpeh nău rvăt n'hanh n'glăp vaccine. Pah kan leo ƀư, nkoch trêng ân der bah nău tâm pit rvăt, ntrôl rnoh khlay vaccine hao. Mpeh nău an ƀư chuh vaccine njrăng n'gang nuh srê COVID-19, Chính phủ hŏ geh Nghị quyết mbrô 21/NQ-CP nar 26/2/2021 tâm nê geh nkô̆ mpeh nău ntrŭt nsôr ăp đơn vị tŏng nău dơi ƀư chuh n'gang êng an ăp mpôl kan, ăp nuĭh geh nău ŭch. Bộ Y tế dơn pă an si ƀŭt, uănh năl săk tam vaccine tĭng nău way; rđău đă, ntĭm nti chuh tĭng di rnoh ngăch, đăp mpăn geh nău dơi./.

Nuĭh rblang: Điểu Thân