VOV4.M’nông – Groi Thủ tướng Chính phủ Vũ Đức Đam lĕ ký ntrŭnh uănh an nău rƀŏng, nău kan, trong mkra hun hao du đêt báo in n’hanh báo điện tử đối ngoại ngih dak lvang 2022-2030. Nău rƀŏng gay hun hao báo in Việt Nam News, tạp chí in Báo rup Việt Nam n’hanh Báo Điện tử VietnamPlus bah Thông tấn xã Việt Nam jêng ăp báo in n’hanh báo điện tử đối ngoại ngih dak, lôch jêh uĕh nău kan mbơh nău đah dak bah dih tĭng trong hăn, nău ntrŭnh bah Đảng nău kơl, pháp luật bah ngih dak he. Nău kan n’hanh trong mkra hun hao du đêt báo in n’hanh báo điện tử đối ngoại ngih dak lvang 2022-2030 lah n’hao uĕh n’hanh uĕh nău mbơh. Na nê̆, n’hao rnoh âk n’hanh uĕh nău mbơh đah dak bah dih, ngăch, geh âk nău uĕh mpeh nu nău neh dak n’hanh kon nuĭh Việt Nam. Mô rlu rgâl mhe mpeh nkô̆ nău mbơh, n’hao rnoh âk, uĕh ăp nkô̆ nău ăp plơk, nkô̆ nău way nkoch, bôk nău tâm di. Nkra njêng ăp ndơ mbơh âk ntil tĭng trong báo chí mhe, n’gâng tơm công nghệ mrô, pă an nău mbơh tâm ăp trạng mạng xã hội gay wăch rgum nuĭh uănh.

Nuĭh rblang: Y Sưng Phê Ja