VOV4.M’nông - Tâm đêt nar bah năp, ăp dak nkual Đông-Nam Âu geh rnoh chuh đêt dôl saơ rnoh nuĭh ntưp mhe n’hanh rnoh nuĭh khĭt na nao âk ngăn, trong kan dak si bah ăp dak aơ dôl rdâng geh âk ngăn. Romania kơp dơn rnoh nuĭh khĭt tâm nar geh âk ngăn bơi 600 nuĭh tâm 24 mông tâm nĕ geh nklăp 540 nuĭh khĭt mô hŏ chuh. Bulgaria, dak geh rnoh chuh đêt ngăn Châu Âu dôl rdâng nău jêr uănh nđôi chôt srê. Tĭng nău mbơh bah N’gâng kan dak si nar 2/11, ngih dak aơ kơp dơn 310 nuĭh khĭt tâm nar, aơ lah rnoh nuĭh âk ngăn kơp bah rnôk srê Covid-19 ntoh ta dak aơ. Đah ăp dak Nam Âu kơt Coatia tâm nar 2/11 lĕ kơp dơn nuĭh khĭt ăp nar âk ngăn kơp bah khay 5 mhe rlău. Hôm Serbia n’hanh Slovenia, ntŭk geh rnoh chuh kơp êng geh 50% dôl saơ nău jêr tă bah trong ntưp Covid-19 đah trong dak si. Nău mbơh an gĭt, rnoh ntưp ăp nar ta ăp dak nkual aơ dôl geh trong hao âk.

Nuĭh rblang: Y Sưng Phê Ja