VOV4.M’nông: Lơ 26/7, N’gâng kan tahen ndrel Công an nkuăl ƀon têh Hồ Chí Minh ntơm leo tahen ƀư nau kan mêt uănh, nkân njrăng nau ƀư ăp nau ntrŭnh mpeh nau njrăng rdâng srê tâm nkuăl. Tĭng nê, ăp mrôt kan ntrŭnh ƀư ntơm 4h kêng măng 26/7/2021 ndrel pah kan tâm măng nar, tâm 12 ntŭk, trạm mpông ndel njrăng 90 ntŭk tâm ăp ntŭk khuch hô. 450 cán bộ tahen tâm Trung đoàn Gia Định ndrel Tiểu đoàn tahen 31, N’gâng kan rđau kan nkuăl ƀon têh Hồ Chí Minh tâm rgop ma rhiăng cảnh sát gung trong, hình sự, 113 ndrel cơ động tâm Công an nkuăl ƀon têh gay ma n’hao nau njrăng rdâng ndrel n’hao nau mêt uănh tâm ăp trong. Rơh tâm rgop aơ, cán bộ, tahen kơl an rmôt Công an tâm nau ƀư ân nsrŭng nŭih, ndeh rnôk hăn tâm trong, uănh nau gay ma năl rmôt nŭih, ndeh, ndơ dŏng dơi ân hăn ro tâm nau kan ƀư tĭng nau rđau rmô 16, lah saơ geh nau tih ri mbơh đah rmôt công an nchih săm ƀŭt mhal tĭng nau ntrŭnh bah pháp luật./.

Nŭih rblang: H’Thi