VOV4.M’nông – Liên hợp quốc mhe aơ mbơh, Trong ƀư gĭt đah vaccine lam ntŭr neh (COVAX) tât aƀaơ lĕ tâm pă n’hanh rdêng rlău 36 rkeh dĭng vaccine Covid-19 an 86 dak ta lam ntŭr neh. Tĭng nuĭh ntoh ngơi Tổng thư ký Liên hợp quốc Stephanie Dujaric, gay tŏng ăp nău ŭch “Mô geh nuĭh ntlơi bah kơi”, ăp rmôt tâm pă bah Liên hợp quốc ta ăp dak lĕ ntop kơl ntĭm nti nuĭh kan dak si chuh vaccine Covid-19; bônh đă nuĭh ƀon lan mpeh tam vaccine kơt ntop kơl trong mât prăp nđik vaccine Covid-19. Ăp dak geh ƀư sa đêt kơt ăp dak ach o hôm e kơl lor tâm trong kan tâm pă vaccine Covid-19 aƀaơ.

Nuĭh rblang: Y Sưng Phê Ja