VOV4.M’nông: Tổng cục ndrung krŭng Campuchia năl geh tay 100 cán bộ n'hanh nuĭh tih ta ndrung krŭng n'gor Kandal geh ntưp kaman SARS- CoV-2, tâm rnoh nuĭh ntưp Covid-19 lam dak hôm hao âk tay đŏng. Nar ntri (26/5), Groi kruanh n'gor Kandal wa Nov Peng Chandara năl geh 106 nuĭh geh ntưp kaman SARS-CoV-2 lah cán bộ n'hanh nuĭh tih gŭ ndrung ta n'gor Kandal. Wa Nov Peng Chandara an gĭt, aƀaơ, n'gâng kan n'gor dôl n'hao dăng njrăng n'gang nuh srê Covid-19, yơn n'gâng kan n'gor mô hŏ geh trong an nchrai luh nuĭh tih mô lah an gŭ bah dih. Rlău ma ndrung krŭng n'gor Kandal geh 106 nuĭh ntưp Covid-19, ri ndrung krŭng ta du đêt n'gor, nkual ƀon têh bah Campuchia hŏ năl geh tay âk nuĭh ntưp Covid-19 đŏng, kơt ndrung krŭng n'gor Preah Sihanouk năl geh 34 nuĭh ntưp, ndrung krŭng Prey So (Phnom Penh) năl geh 18 nuĭh ntưp. Bộ Y tế Campuchia an gĭt, rnoh nuĭh ntưp Covid-19 bah lam dak lah bơi 27.000 nuĭh, tâm nê geh bơi 20.000 nuĭh hŏ sĭt ngăch dăng tay ./.

Nuĭh rblang: Điểu Thân