VOV4.M’nông: Đah rnoh nŭih ntưp srê Covid-19 mô nsrŭng hao âk tâm âk nar rlau aơ, chính phủ Indonesia ntrŭnh ƀư nau kuăl jă ƀon lan sâm tâm boh, kơl kơt tĭng ăp nau ntrŭnh mpẹh nau kan ân geh nkân njrăng nau kan âk nŭih tâm nau ƀư ndal. Tâm du rơh rƀŭn mbơh, Kruanh n’gâng kan rđau đă ăp nau kan trong dak lêng ndrel ntuh kơl nkre nau rđau đă ƀư nau kan ntrŭnh ndal bah Indonesia, wa Luhut Binsar Pandjaitan mô rvê mpeh nau kơp dơn, nau kan geh tât khuch bah srê Covid-19 dôl ma khuch ngăn ndrel nŭih ƀon lan ân geh tâm boh ma chính phủ gay ma mât neh dak bah năp srê ji. Tâm 24h rlau aơ, Indonesia kơp dơn geh bơi tât 30 rbăn nŭih ntưp ma srê Covid-19, n’hao rnoh nŭih ntưp bah dak aơ hao tât 2,3 rkeh nŭih. Ăp nŭih khĭt kŏ dôl ma hao âk, đah rnoh 588 nŭih. Rnoh nŭih ntưp rlau 61 rbăn nŭih Indonêsia khĭt tâm rnôk geh srê./.

Nŭih rblang: H’Thi