VOV4. M’nông: Cuba mbra chuh n'gang Covid-19 an 150 nuĭh ta bôk trong njrăng n'gang nuh srê tâm lvang rơh n'glĕ dŭt bah rlong chuh ta nuĭh. Ăp nuĭh kan dak si n'hanh ăp nuĭh ƀon lan ta bôk trong rdâng lơh Covid-19 mbra dơi chuh vaccine Soberana bah Cuba ntơm bah nar 22/3. Ntil vaccine dja bah Cuba hŏ dơi rlong chuh ta nuĭh n'glĕ dŭt tâm 3 pơh rlău aơ ta 44 rbăn nuĭh ŭch râng chuh êng. Nhih pah kan mât uănh dak si Cuba pơh bah năp nơh an du ntŭk tâm rlong chuh vaccine Covid-19 tâl bar đah săk ntơ Abdala dơi rlong chuh lam hvi. Cuba ơm geh âk nău tă ơm gĭt kan tâm rnôk njêng n'hanh tăch n'gluh vaccine lah du đêt dak tâm nkual mô hŏ ntơm chuh Covid-19 an nuĭh ƀon lan tă bah dak dja ŭch nchrăp lor mpeh tơm pă an vaccine. Chính phủ Cuba hŏ ton mbra chuh n'gang an lĕ rngôch nuĭh ƀon lan dak dja tâm năm 2021.

Nuĭh rblang: Điểu Thân