VOV4.M’nông: Jêh rnôk ăp ntu\k kan n’gâng kan n’gor Lâm Đồng ndrel nkuăl [on têh Đà Lạt ntru\nh nau leo lăp kan rdâng lơi “phung ndranh” ndơ tăch kah ta Đà Lạt bah oi. Yơn lah, rơh dăch aơ, nau kan têk nu\ih năch gay ma rvăt ndơ bah nơm lo\ geh tay đo\ng, [ư roh nau đăp mpăn, [ư mô ueh ân năch tât đah nkuăl [on têh rbăn ntil kao.

Thung lũng tình yêu lah ngoai tâm âk ntu\k pâl n’aih mô dơi mô tât bah âk nu\ih năch rnôk tât đah Đà Lạt. Aơ ko\ lah ntu\k geh ntoh n’gôr ngăn bah ăp “nu\ih ndranh têk” gay ma rvăt ndơ. Saơ ndeh rdeng năch, ndeh hon đa tă bah n’gor êng, ăp bu ndăm nê tât ti\ng, bonh jă, jă têk. Lah năch hôm geh nau mi\n rvê ri phung “ndranh têk” nê mra ndơ\ săm [u\t nkoch mbơh bah mir tăm dâu gay ma ntop tay nau rnơm. Đah ăp nau kan têk jă rvăt ndơ kơt lah dâu tây, mứt dâu rnoh thuk mô lah hăn uănh mir dâu tây mô roh prăk,. Âk nu\ih ho\ geh “djang dăk” ndrel du\t n’hâm ji nuih.

Nô Nguyễn Văn Toàn, du hê bu năch tă bah Nghệ An ân gi\t, lor ma hăn Đà Lạt, păng ho\ kuăl ôp balư păng ndrel hao mạng joi ăp ngăn nau gi\t meh ntu\k nơm tât uănh. Yơn lah, rnôk tât ta nkualư [on têh, hăn uănh mir dâu ti\ng nau jă bah du đê| nu\ih, nô du\t n’hâm ji nuih ngăn:

‘Mhe nơh hăn tă bah nglah 5 tât Thung lũng tình yêu, gâp saơ du đê| phung bu ndăm jêk jă bu năch tât hăn uănh dâu tây mô lah ntil ndơ sa kah bah Đà Lạt. Gâp ko\ hăn yơn mô geh tâm ban ma nau ngăn, lăp tâm tâm mir dâu ri mô geh kơt nau nơm u\ch. Ndrel ma rnoh bah bu năch ndơ ta aơ ri khlay ngăn. Lah nơm mô rvăt ta nê ri bu mra nkri, lah âk nau ngăn”.

Tâm ban ma nê, ta mir kao nkuăl [on têh, bôk Yôk Lu\s ta trong Phù Đổng Thiên Vương, trong Nguyên Tử Lực, Mai Anh Đào âk ngăn năch soă mô ueh ndrel ow geh nau têk jă bah phung “ndranh tăch ndơ” mro ti\ng jâng, têk jă. Mô lah geh năch ho\ geh phung aơ lơh rnôk mô u\ch rvăt ndơ. Bol ma geh n’gâng kan bah nkuăl [on têh mhal âk tơ\ mpeh nau tih do\ng nau kan “ndranh têk tăch ndơ” têk jă năch pala n’aih yơn lah mô geh nau plơ\ ơm. Tơm ăp ntu\k tih nê geh nau mbơh lah, lah mô dong nau kan têk jă gay ma năch rvăt ri khân păng mra mô geh ntu\k tăch ndơ. Wa Kiều Anh Hải-Tơm ntu\k tăch mứt Thành Trung, ta Phường 8 nkoch:

‘Ta aơ ngih hên geh 2 nu\ih yơn lah âk ngăn tâm ntu\k êp aơ âk ngăn nu\ih. Gâp ma mô so\k du hê bar hê kual jă bu mbơh gay ma rvăt ri nơm mô geh ôh nu\ih rvăt ndrel mra mô geh ôh prăk”.

Ti\ng nau kơp bah Cong an nkuăl [on têh Đà Lạt tâm ntơm năm 2018 tât a[aơ ri ntu\k kan aơ ho\ mhal 95 nu\ih, 8 nmtu\k do\ng nu\ih “têk jă năch” dah rnoh prăk rlau 220 rkeh ndrel so\k kân 95 bôk ndeh hon đa. A[aơ nkuăl [on têh Đà Lạt hôm 8 ntu\k vay do\ng ăp nu\ih têk jă năch pâl n’aih. Âk ngăn ăp nu\ih aơ ri tă bah n’gor êng tât.

Trung tá Phạm Văn Huấn-Groi Kruanh, rmôt cảnh sát Kinh tế-Công an nkuăl [on têh Đà Lạt ân lah, rnoh mhal ăp nu\ih têk jă năch pâl n’aih ntơm du rkeh tât 3 rkeh ê tong n’hâm nkri. Tâm rnôk du đê| nu\ih jă năch pâl n’aih rvăt ndơ geh rnoh 10 rkeh ri ho\ geh ntu\k tăch ndơ nkhôm ân ntơm 3-4 rkeh prăk:

‘A[aơ nkuăl [on têh Đà Lạt ko\ kơt lah Công an nkual [on têh ko\ rđau ngăn mpeh nau rklaih mhal phung têk jă năch mô tâm di nau vay. Phung hên dôl n’hao nau kan nhu\p, mhal rih ăp nau tih têk jă ngăch, n’hao nau kan mêt uănh tât ăp ntu\k [ư tăch ndơ do\ng ăp nu\ih têk jă năch aơ. Jêh geh mhal ri phung hên mra đă UBND nkuăl [on têh rhuăt lơi săm [u\t ân geh tăch ndơ bah ăp ntu\k aơ”.

Gay bu năch geh ăp nar rlu rlao ueh tâm nkuăl [on têh rbăn kao, n’gor Lâm Đồng ko\ kơt lah nkuăl [on têh Đà Lạt ân lo\ nsôih rklaih ngăn ăp ntu\k kan tăch rgâl do\ng ngăn nu\ih gay ma têk jă bu năch tât rvăt, [ư mô ueh rup gui bah nkuăl [on têh pâl n’aih./.

Nu\ih rblang: H’Thi