VOV4.Mnông- Nar 14/11, kruanh rnâng kan Nội chính trung ương Phan Đình Trạc ndrel đah mpôl pah kan bâh n’gâng kan chính trị lĕ pah kan đah rnâng kan nkuăl ủy Đà Nẵng mbơh nău geh uănh năl nuĭh leo kan, ntĭm đă nău kan mĭn uănh, nti, mât uănh, mbơh tơih, ƀư na nê̆ n’hanh mbơh tơih ƀư tĭng Nghị quyết Đại hội Đại biểu lam dak tal 13 bâh Đảng.

Ntoh ngơi ta rơh nglôch lôch, wa Phan Đình Trạc rnê n’hanh uănh năl âk nău nsrôih bâh rnâng kan nkuăl Ủy Đà Nẵng n’hanh ăp gâl ủy Đảng geh uănh năl tâm nău mbơh tơih, nti kan, leo ƀư tĭng Nghị quyết Đại hội 13 bâh Đảng. Wa Phan Đình Trạc đă Đà Nẵng an geh uănh năl na nê̆ nău kan nti, mât uănh tĭng Nghị quyết lah nău kan way geh ƀa ƀơ, tơm khlăy, geh ƀư tĭng tâm  lĕ năm kan, geh ntrôl dăng tay nău mbơh tơih, n’hao nău gĭt vât bâh ăp gâl kan ủy, đảng viên, ngăn lah tâm nău kan rdâk njêng, rgâl nkra Đảng.

Nuĭh rblang: Thị Đoắt